Hêzên Sûriyeya Demokratîk (HSD), têkildarî kişandina dîmena cenazeyên HTŞ’iyên li başûrê Kobanê hatibûn kuştin daxuyanî da. HSD’ê da zanîn ku şervanê dîmenê behsa xeberê kişandî hatiye dûrxistin. 

 

Di daxuyaniyê de ev agahî hatin parvekirin: "Fermandariya me bi baldarî bûyera dawî ya der barê şervanekî de şopand. Şervanekî me dîmenê xwe li kêleka çekdarên di êrişeke komên Şamê li ser gundê Xerûs ê başûrê Kobanê hatine kuştin, kişand. Li ser vê bingehê û ji ber girêdana me bi nirxên leşkerî û exlaqî ve, şervan tavilê ji nav hêzên leşkerî hat dûrxistin û sewqî dadgeha leşkerî hat kirin. Em teqez dikin ku ev kiryar ferdî ye û nayê qebûlkirin, di heman demê de ne li gorî rêgezên hêzên me ye ku bi rêzdariya xwe li hemberî pîvanên muameleya mirovahî û exlaqî ye, di nav de rêzdariya li hemberî cenazeyan jî. Em li gorî nirxên ku em pê tên naskirin, erkên xwe bidomînin.”