
Polîsan hem got ‘sûc nîne’ hem jî dest danî ser maşîneya HDP’ê 

2019-03-13 10:40:21


	MÊRDÎN – Li Şemrexê polîsan xwest deyne ser maşîneya anansê ya HDP’ê. Wekîlên HDP’ê ji amirê polîsan girteka hêceta desteserkirina maşîneyê xwest. Amirê polîsan jî wiha bersiv da: “Têkildarî maşîneyê tu sûc nîne.”&nbsp;

	Parlamenterên HDP’ê yên Mêrdînê Mîthat Sancar, Pero Dundar, Tuma Çelîk û Ebru Gunay, Namzetên HDP’ê yên Hevşaredariya Bajarê Mezin a Mêrdînê Ahmet Turk û Fîgen Altindag jî di nav de komek girseyî çûn serdana gundên navçeya Şemrexa Mêrdînê. Polîsên di têketina navçeyê de HDP’iyan sekinand û xwest nasnameya wan kontrol bikin. Li ser îtîraza HDP’iyan vê carê polîsan xwest li hundirê maşîneyan lêgerîn pêk bîne.&nbsp;

	&nbsp;

	HÊCET NEDÎT GOT ‘ÎXBAR’ HEYE&nbsp;

	&nbsp;

	HDP’ê bertek nîşanî polîsan da. Li ser vê yekê polîsan îda kir ku “Dibe ku di maşîneyan de bombe hebe” û xwestin xebatên HDP’ê îlegal bikin. HDP’iyan bersiva polîsan da û gotin: “Em kefîlên maşîneyên xwe ne.” HDP’ê nehişt polîs lêgerînê pêk bînin. Vê carê polîsan dest danî ser maşîneya anonsê ya HDP’a Şemrexê. Polîsan hêceta desteserkirinê “weşana qedexe têde heye” û “stranên propaganda rêxistinê dikin tê lêxistin” nîşan da.&nbsp;

	&nbsp;

	Polîsan li ser îtîraza HDP’iyan îda kir ku der barê maşîneyê de îxbar heye.&nbsp;

	&nbsp;

	Parlamenter Tuma Çelîk di kêliya nîqaşê de ji polîsan re got pêkanîn kêfî ye. Parlamenter Mîthat Sancar jî li Walîtiya Mêrdînê geriya û bersiva “biryara darazê ye” dane. Lê tevî hemû hewldanên Sancar jî encamek bi dest nexist.&nbsp;

	&nbsp;

	Wekîlên HDP’ê ji amirê polîsan girteka hêceta desteserkirina maşîneyê xwest. Amirê polîsan jî wiha bersiv da: “Têkildarî maşîneyê tu sûc nîne.”&nbsp;

	&nbsp;