
ÎHD: Divê demildest girtiyên nexweş bên berdan

2019-02-16 15:50:04


	&nbsp;

	HATAY - Berdevka Komîsyona Girtîgehan a Şaxa ÎHD’ê ya Edenê Parêzer Zelal Demîray, bal kişand ser rewşa girtiyê nexweşîna pençeşerê Mûhsîn Kizilkan û got: “Divê Kizilkan û hemû girtiyên nexweş demildest bên berdan.”

	&nbsp;

	Şaxên Komeleya Mafê Mirovan (ÎHD) ên Edene û Hatayê, di daxuyaniya dan de, bal kişand ser rewşa girtiyê nexweşîna pençeşerê Mûhsîn Kizilkan ê li Girtîgeha Tîpa T a Îskenderûnê dimîne. Daxuyanî li avahiya Şaxa ÎHD’ê ya Hatayê hat lidarxistin. Rêveberên Partiya Demokratîk a Gelan (HDP) ên navçe û Hatayê û gelek parazvanên mafên mirovan beşdarî daxuyaniyê bûn. Di daxuyaniyê de pankartên “Bila girtiyê nexweş Mûhsîn Kizilkan bê berdan” û “Em naxwazin di girtîgehan de mirin pêk bên.”&nbsp;

	&nbsp;

	Berdevka Komîsyona Girtîgehan a Şaxa ÎHD’ê ya Edenê Parêzer Zelal Demîray, daxuyanî da û wiha got: “Di hefteya dawî de rapora ‘nikare di girtîgehê de bijî’ ji bo girtiyên edlî Alî Aydar Yildiz ê li Girtîgeha Tîpa R a Metrîsê û Mehmet Gok ê li Girtîgeha Tîpa T a Tarsûsê dimîne hatin dayîn. Lê ligel vê jî nehatin berdan û di girtîgehê de jiyana xwe ji dest dan.”

	&nbsp;

	‘PIRSGIRÊKÊN DERMANKIRIN DIJÎN’

	&nbsp;

	Demîray, anî ziman ku pirsgirêkên jiyanê yên cîdî di girtîgehên Tirkiyeyê de hene û wiha bilêv kir: “Yek ji van pirsgirêkan jî xwe negihandina tenduristiyek baş û mezekirên tibbîne. Pirsirêka xwe gihandina nexweşxanê êdî weke amûrê cezakirinê tê bikar anîn. Rewşa girtiyê nexweşîna pençeşêrê Mûhsîn Kizilkan ê cezayê muebetê lê hatiye birîn, di sala 2016’an de ji bo wî teşhîsa pençeşêra kolonê hat danîn. Saziya Tipa Edlî (ATK) rapor da Kizilkan û ji bo salek û nivê cezayê wî hat taloqkirin û berdan. Lê ji ber ku dema raporê ya salek û nivê derbas bû, dîsan hat girtin û şandin Girtîgeha Tîpa T a Îskenderûnê. Kizilkan emeliyeta fitiqê derbas kiriye û pirsgirêkên dermankirinê dijî.”

	&nbsp;

	KONUTUNDA CEZASINI GEÇİRSİN

	&nbsp;

	Demîray, da zanîn ku ji bo ku girtî di girtîhan de jiyana xwe ji dest nedin ew bang li rayedaran dikin ku berpirsiyartiya xwe bi cih bînin û wiha dawî li axaftina xwe anî: “Em dixwazin demildest girtiyê nexweşîna pençeşêrê Mûhsîn Kizilkan û hemû girtiyên li Tirkiyeyê bên berdan.&nbsp;

	&nbsp;