
Berazan xwe berda gund û êrîşî gavanê biçûk kirin 

2018-12-25 10:56:16


	&nbsp;

	ÊLIH – Li gundê Zîlana Hezoyê berazan êrîşî Osman Sayar ê 15 salî kir û ew birîndar kirin. Piştî êrîşa berazan gundiyan keriyek beraz li nêzî gund dîtin û bi telefona xwe qeyd kirin.&nbsp;

	&nbsp;

	Li gundê Zîlanê ya girêdayî navçeya Hezo ya Êlihê çend roj berê berazan êrîşî zarokê 15 salî Osman Sayar kir û ew birîndar kirin. Sayar ê dema li nêzî gund gavanî dikir rastî êrîşa berazan hat. Sayar ji cihên cuda yên werselê xwe birîndar bû û bi halê xwe yê birîndar xwe gihand gund. Piştî xwe gihand malê malbatê ew rakirin nexweşxenek Êlihê û derman kirin. Hat zanîn ku rewşa Sayar baş e û piştî ji nexwexaneyê derxistin li malê tê dermankirin.&nbsp;

	&nbsp;

	KERIYÊ BERAZAN HAT DÎTIN&nbsp;

	&nbsp;

	Li aliyê din piştî êrîşa berazan şêniyên mezraya Bacaxê ya bi ser gundê Zîlanê li çola gund keriyek beraz dîtin û bi telefona xwe qeyd kirin. Di dîmen de 7 beraz xwe bi rêz kirin e û di nava zeviyan de dibezin.&nbsp;

	&nbsp;

	Gundiyan ragihand ku beraz bi salan e li herêma wan nedihatin dîtin û piştî bi salan wan berazan li derdora gund dîtine. Hat gotin li heman herêmê di vê demsalê de beraz gelek zêde bûne.&nbsp;

	&nbsp;