
Parêzer Kuzu: Gulser Yildirim bi hêcetek ku di lîteratûr de nîne tê girtin 

2018-12-25 10:19:32


	&nbsp;

	MÊRDÎN – Parêzerê Gulser Yildirim Erdal Kuzu diyar kir ku miwekîla wî bi hêcetên bêbinî girtî ne û got: “Birêz Yildirim di lîteratûrek ku bersiva di qada hiqûq û qanûnan de nîne girtî tê darizandin."&nbsp;

	&nbsp;

	Parlamentera HDP’ê ya Mêrdînê ya berê Gulser Yildirim ji 4’ê mijdara 2016’an ve girtî ne. Dadgeha herêmî ya Mêrdînê 7 sal û 6 meh ceza li Yildirim birî bû. Dadgeha Îstînafê ya Dîlokê cezayê Yildirim xera kiribû û tê darizandin. Danişîna Yildirim li 3’yemîn Dadgeha Cezayê Giran a Mêrdînê tê dîtin. Heta niha sê danişîn hatine dîtin. Danişînek din a Yildirim dê di 8’ê sibata 2019’an de bê dîtin. Di her danişînê de daxwaza berdana Yildirim ji aliyê dadgehê ve hat redkirin.&nbsp;

	&nbsp;

	Di danişîna dawî ya Yildirim de bi hêceta “Dema Qanûna Înfaza rojane li ber çavan bê girtin” nehat berdan û balkêş e ku vê îfadeyê li hêcetan hatiye zêdekirin.&nbsp;

	&nbsp;

	'DADGEHÊ XWE XISTIYE ŞÛNA DADGERIYA ÎNFAZÊ’&nbsp;

	&nbsp;

	Parêzerê Yildirim, Erdal Kuzu vê îfadeya hêcetê nirxand û destnîşan kir ku dadgehê xwe xistiye şûna dadgeriya înfazê. Kuzu anî ziman ku Qanûna Înfaza Rojane di hiqûqê de tu bersivek wê nîne û got: “Di lîteratûrê de qanûnek wiha ku tu bersivek wê nîne ye. Di nava hêcetan de Qanûna Înfaza Rojane nîne. Dadgehê bi awayek pêkenok û ku di asta mîzahê de ye hêcet nîşan da. Ev yek pir zelal dike ku miwekîla me bê cezakirin. Doza Yildirim jî yek ji dozên ku tîpîk a mîna darizandinên siyasetmedarên kurd e. Divê miwekîla me birêz Yildirim bihata berdan. Ji bo kurdan û siyasetmedarên gelê kurd jî rêbazên taybet ên darazî tên bikaranîn.”

	&nbsp;

	MA / Ahmet Kanbal

	&nbsp;