
Li dijî HDP'ê operasyon: Gelek kes hatin binçavkirin 

2018-10-06 10:47:33


	NAVENDA NÛÇEYAN - Li 6 bajaran operasyonek hemwext li dijî rêxistinên HDP'ê pêk hat. Di operasyonê de 49 kesên dinavê de Hevserokê HDP'ê yê Êlihê Nîzamettîn Toguç jî heyî hatin binçavkirin.&nbsp;

	&nbsp;

	Li 6 bajaran operasyon li dijî rêveber û endamên Partiya Demokratîk a Gelan (HDP) pêk hat. Di operasyona hemwext a 6 bajaran pêk hat de 49 HDP'î hatin binçavkirin. Hat diyar kirin ku di operasyonên li dijî HDP'ê yên bajaran pêk hatin de, li Êlih Hevserokê HDP'a Bajêr Nîzamettîn Toguç û 7 kes, li Agiriyê 25, li Enqerê 5, li Mûşê kesek, li Rihayê 9 û li Mêrdînê kesek, bi giştî 49 kes hatin binçavkirin. Hat destnîşan kirin ku di operasyonên du rojên dawî yên bi hinceta "Li dijî rêxistina terorê ya PKK/KCK'ê" pêk hatin de bi giştî 137 kes hatin binçavkirin.&nbsp;

	&nbsp;

	8 kesên li Êlihê hatin binçavkirin birin Midûriyeta Polîsan a Êlihê. Li aliyê din biryara veşartinê danîn ser dosyeya binçavkirinan û ji bo hevdîtina parêzeran jî qedexeya hevdînê hat danîn. &nbsp;

	&nbsp;

	LI RIHAYÊ RÊVEBERÊ HDP'Ê HAT BINÇAVKIRIN&nbsp;

	&nbsp;

	Polîsan di saetên serê sibê de, li Taxa Baglarbaşi ya navçeya Haliliye ya Rihayê bi ser mala rêveberê Rêxistina Partiya Demokratîk a Gelan (HDP) a Rihayê Mahmût Kiliç de girtin. Polîsên li mal û di wesayîta Kiliç de lêgerîn pêk anîn, Kiliç binçavkirin. Di heman demê de polîsan dest danîn ser telefon û bîlgîseyarên endamên malbatê. Kiliç ê hinceta binçavkirina wî nehat zanîn, hat diyar kirin ku birin Şaxa Tem’ê ya Rihayê.&nbsp;

	&nbsp;

	Dîsan li Taxa Karamezra ya heman navçeyê cendirmeyan serê sibê bi ser malekê de girtin û ciwanê binavê Resûl Şeker binçav kirin. Ciwanê bi hinceta parvekirinên medya civakî hat binçavkirin, birin Rihayê û teslîmî Şaxa TEM'ê kirin. &nbsp;

	&nbsp;