
DEM Partî dê her sal Meşa Rûmetê ya Astengdaran li dar bixe 

2025-12-01 14:14:24


	ENQERE - DEM Partiyê bi boneya Roja Astengdaran daxuyaniyek da û got ku dê di roja yekşemê ya her meha gulanê de Meşa Rûmetê ya Astengdaran li dar bixe.&nbsp;

	&nbsp;

	Komîsyona Astengdaran a Partiya Wekhevî û Demokrasiyê ya Gelan (DEM Partî), bi boneya 3’yê Kanûnê Roja Astengdaran a Cîhanê li navenda giştî ya partiyê daxuyanî da. Hevberdevka Komîsyonê Hatîce Betul Çelebî daxuyanî xwend û wergêra zimanê îşaretê jî Wergêra Zimanê îşaretê Tugba Ersoz kir.&nbsp;

	&nbsp;

	Hatîce Betul Çelebiyê diyar kir ku her sal di 3’yê Kanûnê de hema gotinên jiberkirî tên kirin û heta niha ji bo astengdaran gelek xebat hatine kirin lê kêm in.&nbsp;

	&nbsp;

	'EM ÊDÎ ÇÎROKA XWE DINIVÎSIN’

	&nbsp;

	Bi domdarî Hatîce Betul Çelebiyê anî ziman ku hesasiyeta li dijî astengdaran kêm e û wiha pê de çû: “Û ev tevek şano ye. Em naxwazin êdî bibin parçeyeke vê şanoyê. Weke DEM Partiyê dê 3’yê Kanûnê her sal ji bo me bibe roja xebitandina mekanîzmayên rexne û rexnedayînê bê me çi kiriye çi nekiriye û bibe roja hevrûbûnê. Em bi xwe dê çîroka xwe binivîsin.”

	&nbsp;

	JI BO MEŞÊ BANG KIR

	&nbsp;

	Hatîce Betul Çelebiyê da zanîn ku ew ê her sal di yekşema ewil a meha Gulanê de Meşa Rûmetê ya Astengdaran li dar bixin û ev bang kir: “Em ê di 3’yê Gulana 2026’an de li Amedê meşê li dar bixin. Em banga tevlibûnê li her kesî dikin.” &nbsp; &nbsp; &nbsp;&nbsp;