Tê plankirin ku li şûna Polîs Okûlûya berê bîna bê çêkirin 

2025-11-29 09:08:10


	 

	AMED – TMMOB'ê ji bo li şûna avahiya pêvekî ya Polîs Okûlû û Midûriyeta Polîsan ku di erdhejê de hilweşiyabû, bibe park. Salek e serlêdana TMMOB'ê nehatine bersivandin. Hat hişyarkirin ku ger li vir bîna bên çêkirin, dê rê li ber karesatan bê vekirin. 

	 

	Avahiya pêvekî ya Polîs Okûlû û Midûriyeta Polîsan a 50 salî ya li Taxa MEvlana Halît a li navçeya Rezan a Amedê, di erdheja 6'ê Sibata 2023'yan a navenda wê Bazarcix a Mereşê xesar dîtibû. Piştî erdhejê ev avhî di Adara 2024'an de hatin xerakirin. Welatî dixwazin li şûna van avahiyan qadên jiyanê (park, qadên komkirinê yên erdhejê hwd.) bên çêkirin. Ji bo erseya ku li ser navê Wezareta Xezîneyê qedykirî, Koordînasyona Bajêr a Amedê ya Yekîtiya Odeyên Endezyar û Avahîsazan a Tirk (TMMOB) serlêdan kiribû ku li qada navborî park bê çêkirin, lê salek e serlêdana navborî nehatiye bersivandin. 

	 

	Sekreterê Lijneya Koordînasyona Bajêr a Amedê ya TMMOB'ê Mahsûn Çiya Korkmaz hişyar kir ku ger li vê qadê avahî bên çêkirin dê di erhdejên gengaz de rê li ber karesatên mezin bê vekirin. 

	 

	QADA ERDHEJÊ

	 

	Korkmaz bibîr xist ku avahî ji ber statuya xwe ya xesara giran hilweşiyaye û got: "Niha tişta herî xweş a ku li wir bê çêkirin qada parkê yanî qada rewşa lezgîn e. Çima em vê dibêjin; ji lew re qada li derî Bagcilarê dimîne ku em jê re dibêjin Baglar ku 11 tax lê ne, qadeke me ya afetê yan jî erdhejê ya komkirinê tune ye." 

	 

	GER AVAHÎ BÊ ÇÊKIRIN DÊ RÊ LI BER KARESATÊ BÊ VEKIRIN

	 

	Korkmaz hişyar kir ku ger li qadê avahiya midûriyeta polîsan bê çêkirin dê di erdhejên gengaz de rê li ber karesatan bê vekirin û got: "Piştî erdheja 6'ê Sibatê, TOKÎ ket dewrê û ji ber ku mulkiyeta wir aîdî xezîneyê ye guherîna planê di ser wan re kirin. PIştî TOKÎ daxil bû, wê derê ji qada midûriyeta polîsan derxistin û veguherandin avahiyê û dê wir bi rêya TOKÎ'yê bidin ber firotinê. Em vê pir nizanin. Lê piştî rayedar di nava xwe de nîqaş kirin careke din veguherandin qada midûriyeta polîsan ango tê pêşbînîkirin ku li wir avahiya midûriyeta polîsan an jî tiştekî wekî wê bê kirin. Rewşa heyî niha ev e." 

	 

	Korkmaz bibîr xist ku di ser serlêdana wan re ku xwestine vir bibe park salek derbas bûye û got: "Me daxwaz kiribû ku ew der bibe park an jî tiştekî wekî wê. Salek berê me serî li saziya navborî dabû. Me sedemên wê jî diyar kiribûn. Em van tiştan tenê wekî pêdiviyeke sosyolojîk û pêdiviyekê nabêjin; di warê teknîkî de jî divê wiha be." 

	 

	Korkmaz destnîşan kir ku cihê wekî Baglera Kevin tê binavkirin di warê erdhejê de cihekî xetere ye û got ku pêdiviya gel ne bi avahiya erdhejê bi parkan heye.

	 

	MA/Fethî Balaman