Ji AKP’ê daxuyaniya ewil a têkildarî biryara vekişînê 2025-10-26 11:39:42   NAVENDA NÛÇEYAN - Berdevkê AKP’ê Omer Çelîk, têkildarî biryara vekişînê ya Rêveberiya Tevgera Azadiyê ya Kurd daxuyanî da û got: “Bi berdewamkirina pêvajoyê re dê çarçoveya pozîtîf a Komîsyona Hevgirtina Neteweyî, Xwişk-Biratî û Demokrasiyê jî zelaltir bibe.”    Rêveberiya Tevgera Azadiyê ya Kurd, ragihand ku bi erêkirina Rêberê Gelê Kurd Abdullah Ocalan, biryara vekişandina hemû hêzên xwe yên li Tirkiyeyê dane. Daxuyanî, li Qendîlê û bi beşdariya rayedarên payebilind jî di nav de bi giştî 25 gerîlayên HPG û YJA Starê hate dayin. Berdevkê AKP’ê Omer Çelîk piştî daxuyaniyê li ser hesabê xwe ya civakî daxuyanî da.    DAXUYANIYA ÇELÎK   Çelîk, got “Ji bo hemû gefên li ser demokrasiyê bi dawî bibin, gavekî stratejîk e” û wiha domand: “Rojeva esasî ya pêvajoyê ew e ku PKK hêzên xwe yên li Tirkiyeyê û di serî de Iraq û Sûriye, li tevahiya herêmê hêzên xwe yên çekdar û avadaniyên îllegal fesix bike û çekan berdin. Bi geşedanên îro re, PKK’ê biryar da ku hêzên xwe yên li Tirkiyeyê vekişîne û ragihand ku dê têkildarî pêvajoya çekberdanê gavên nû biavêje. Ev jî encameke şênber a pêşketina di nexşerêyê de ye.”    Çelîk, bal kişand ser Komîsyona Hevgirtina Neteweyî, Xwişk-Biratî û Demokrasiyê û got “Xebatên wê careke din nîşan da ku ‘kirdeya siyasî’ ya pêvajoyê îradeya neteweyî ye.” Bi domdarî Çelîk got: “Ji vir û şûnde, avêtina gavên têkildarî berdana çekan û pêvajoya xwefesixkirinê, dê bike ku hemû hedef bên cîbicîkirin. Bi domandina berdana pêvajoya fexîx û berdana çekan re dê çarçoveya pozîtîf a ku Komîsyona Hevgirtina Neteweyî, Xwişk-Biratî û Demokrasiyê xêz dike jî zelaltir bibe. Li dijî her cureyên provokasyonê yên li dijî pêvajoyê, divê her kes pir baldar tevbigere. Em di ferqa hêzên li pişt siyaseta kaosê ya li herêma me pêş dikeve, hewldanên siyasî, îstîxbarî û sabotajên fiîlî de ne. Li dijî vê, em bi biryardarî nexşerêyê didomînin. Piştgiriya partiyên ji xwedî nêrînên cuda û hebûna wan, dewlemendî ye. Hêzên dide vê pêvajoyê. Em ê destûrê nedin tawanbariyên neheq ku ji esasê pêvajoyê dûr dixin û nêzikatiyên maksîmalîst ên nexşerêyê jehrî dikin. Bi piştgiriya her welatiyeke me û bi hedefa xwe ya yekitiya dîrokî û xwişk-biratiyê em ber bi hedefên xwe ve diçin. Komara Tirkiyeyê li rojeva xwe serwexte.”