YRA'yê êrişa li dijî rojnamevan Mamend şermezar kir

2025-09-03 13:11:08


	 

	NAVENDA NÛÇEYAN - YRA'yê li ser êrişa li hemberî rojnamevan Hêmin Mamend daxuyaniyek da û got: "Divê bûyerê bê ronîkirin, kiryar û hevkarên wan bêne girtin û radestî edaletê bêne kirin."

	 

	Yekîtiya Ragihandina Azad (YRA) a Herêma Kurdistana Federe têkildarî êrişa li hemberî rojnamevan Hêmin Mamend a li bajarê Silêmaniye yê Başûrê Kurdistanê daxuyaniyek da. Di daxuyaniyê de hat diyarkirin ku divê bûyerê bê ronîkirin û kiryar radestî edaletê bên kirin

	 

	Daxuyanî YRA'yê bi vî rengî ye:  "Yekîtiya Ragihandina Azad (YRA) vê êrişê weke êrişeke li ser azadî û serxwebûna ragihandinê û hedefgirtina mafê civakê yê xwegihandina zanîn û agahiyê dibîne. Dubarekirina sûcên wiha li dijî rojnamevanan li Herêma Kurdistanê, nîşaneya tirsandin û bêsizamayînê ye ku hêmanên demokrasî û azadiyên giştî lawaz dikin. Ji lew re em daxwaza lêpirsîneke lezgîn û giştî di derbarê buyerê de dikin ku sûcdar, hevkar, planger û alîkarên vê sûcê werin girtin û darizandin. Her wiha em diyar dikin ku pêwîst e rayedarên Başûrê Kurdistanê tedbîrên bibandor bigirin ku jiyana rojnamevanan û kedkarên ragihandinê biparêzin, ku parastina wan berpirsiyariyeke neteweyî, sincî û yasayî ye. Di dawiyê de em piştgiriya xwe ji hevkarê xwe Hêmin Mamend re radigihînin û jê re şîfaya lezgîn dixwazin, û cerek din bi bîr tînin ku; çi êrişa li ser ragihandina azad, êrişa li ser mafê mirovan e."