
Ji bo ‘Meşa Aştiyê’ ya li Agiriyê banga tevlibûnê 

2025-08-31 12:05:08


	&nbsp;

	AGIRÎ - Nûnerên pêkhateyên Platforma Saziyên Demokratîk ji bo xwedîderketina li banga aştiyê ya Rêberê Gelê Kurd Abdullah Ocalan, bang li tevahiya xelkê Agiriyê kirin ku tev li meşa 1’ê Îlonê bibin.&nbsp;

	&nbsp;

	Platforma Saziyên Demokratîk dê bi boneya 1’ê Îlonê Roja Aştiyê ya Cîhanê, li Agiriyê bi dirûşma “Ji bo civaka demokratîk deng bide aştiyê” meşekê li dar bixe. Meş, dê sibe saet di 17.00’ê de li ser Cadeya Cumhuriyetê ya li Taxa Yavuzê dest pê bike, li Taxa Hurriyetê bidome û li Baxçeyê Milet jî bi dawî bibe. Piştî meşê, dê bername bi konsera Arhat bidome.&nbsp;

	&nbsp;

	'EM DENGÊ AŞTIYÊ BILIND BIKIN’&nbsp;

	&nbsp;

	Nûnerên platformê, banga tevlibûnê li xelkê bajar kirin. Hevşaredarê Agiriyê Mehmet Aliş, got: “Em piştgiriyê didin projeya aştiyê ya Rêberê Gelê Kurd. Di demeke ev ax bi hesreta aştiyê dijî, divê em bêhtir xwedî li aştiyê derkevin. Em bang li tevahiya xelkê Agiriyê dikin ku tev li meşa me ya sibe bibin.”&nbsp;

	&nbsp;

	Hevserokê Şaxa ÎHD’a Agiriyê Azad Akbulut jî got: “Em bang li gelê xwe dikin ku li gorî ruhê pêvajoyê tevbigerin û dengê aştiyê bilindtir bikin. Ji bo bidawîkirina êşên li ser xaka me, em ê sibe li meydanê bin.”&nbsp;

	&nbsp;

	Hevserokê DBP’a Agiriyê Sebîh Kaya: “Gelê Kurd êş û zehmetiyên mezin kişand. Îro roja aştiyê ye. Em bang li tevahiya gelê me yê birûmet dikin ku li dora aştiyê bicivin û dengê aştiyê bilind bikin.”&nbsp;

	&nbsp;

	'EM LI QADAN BIN’

	&nbsp;

	Hevseroka DEM Partiyê ya Agiriyê Ayşe Karakuş jî got: “Rêberê Gelê Kurd Abdullah Ocalan ji bo aştî û civaka demokratîk, pêvajoya avakirinê da desptêkirin. Em jî dê bi awayekî xurt xwedî li vê bangê derkevin. Em dixwazin gelên bindest jiyaneke wekhev bijîn. Ji bo li vê xakê êdî xwîn nerije û ji bo avakirina pergaleke demokratîk, em ê sibe li qadan bin. Em bang li tevahiya gelê xwe dikin ku dengê aştiyê bilind bikin.”&nbsp;

	&nbsp;

	Wekîlê DEM Partiyê yê Agiriyê Heval Bozdag jî got: “Ji bo aştî û civaka demokratîk em ê li qadan bin. Gelê Kurd bi sala ye ji bo aştiyê têdikoşe. Pêdiviya hemû dinyayê bi aştiyê heye. Lewma 1’ê Îlonê girîng e. Em banga tevlibûna meşê li gelê xwe dikin.”&nbsp;

	&nbsp;

	MA / Omer Akin&nbsp;

	&nbsp;