
‘Di şertên neyînî û OHAL'ê de jî em ê bi ser bikevin’ 

2018-05-12 09:11:27


	EDENE – Parlementera HDP’ê ya Bedlîsê Mîzgîn Irgat, diyar kir ku di şert û mercên Rewşa aware û neyînî de dê dîsa jî HDP di hilbijartinê de bi ser bikeve û got: “Kurd û HDP’ê nehatin hesibandin. Bawerim dê gelê Tirkiyeyê yê vê rewşê baş dibîne dê bersivê bide.”&nbsp;

	Parlementera HDP’ê ya Bedlîsê Mizgîn Irgat îtifaqa AKP-MHP’ê, Îtifaqa CHP-Partiya ÎYî-SP-DP’ê û biryara hilbijartina zordest û sekna HDP’ê nirxand.&nbsp;

	&nbsp;

	'HDP Û KURD NEHATIN HESIBANDIN’&nbsp;

	&nbsp;

	Irgat bi bîr xist ku di hilbijartina zordest de 2 îtifaq hene û li hemberî vana HDP heye. Irgat diyar kir ku dê partiya gelan HDP beriva herdu blokan bide û got: “Jixwe ne mumkun bû ku HDP di nav îtifaqa cumhûrê de cih bigire. Cihgirtina di nav bloka dudoyan de îhtimal bû. Nîqaşên di vî warî de hatin kirin û taliyê nelihevkirinek rû da. Di encamê de HDP û kurd nehatin hesibandin. Bawerim dê gelê Tirkiyeyê yê vê rewşê baş dibîne dê bersivê bide.”&nbsp;

	&nbsp;

	Irgat, destnîşan kir ku ev lîstik hewldanên ku ji bo HDP bendavê derbas neke. Irgat bi lêv kir ku ev yek ji berdewamiya feraseta tekparêz û înkarê ya ji dema Osmaniyê maye û got: “Di vî warî de hemû partî li eyarên xwe yên fabrîkayê vegeriyan.” Irgat diyar kir ku bi vî awayî tê xwestin ku di 24’ê Hezîranê de HDP nekeve parlementoyê û 80-100 parlementerên HDP bikişînin nav herdu blokan. Irgat anî ziman ku baweriya wan ew e ku dê namzetê wan ê serkomariyê Selahattin Demirtaş di girtîgehê de jî bi serketinê ji derheqê şert û mercên Rewşa Awarte û yên neyînî derkeve.&nbsp;

	&nbsp;

	‘DAWIYA AKP’Ê YE’&nbsp;

	&nbsp;

	Irgat, bi bîr xist ku HDP di 7’ê Hezîranê de jî di şert û mercên neyînî de bendav derbas kiriye û ew ê di 24’ê Hezîranê de jî bendavê derbas bikin û ew ê li hemberî îtifaqên qirêj bi daxwazeke xurt a demokrasî û azadiyê derkevin. Irgat diyar kir ku dê di vê hilbijartinê de dawiya AKP’ê bê.&nbsp;