Baroya Êlihê giliyê BOTAŞ’ê kir  

2023-03-29 15:54:55


	ÊLIH - Baroya Êlihê bi sedema jiberçûna petrolê ya di boruyên petrolê yên li ser Çemê Êlihê re derbas dibin, giliyê BOTAŞ’ê kir. 

	 

	Di 13’ê adarê de boruyên petrolê yên li ser Çemê Êlihê derbas dibin qul bûbûn û petrol ji ber çû bû. Baroya Êlihê bi vê sedemê giliyê Şîrketa Anonîm a Veguhestina Petrolê (BOTAŞ) kir. 

	 

	Baroyê di serlêdana xwe ya bo Serdozgeriya Komarê ya Êlihê de wiha got: “Berpirsyarê qirêjîbûna hawirdorê BOTAŞ e. Divê derheqê BOTAŞ’ê de bi sedema ‘Ji ber qisûriya xwe bûn sedema qirêjîkirina hawirdorê’ kirarî bên destpêkirin.”