
Doza belgefîlma Bakur hate taloqkirin  

2023-03-28 15:46:04


	&nbsp;

	ÊLIH - Bi sedema belgefîlma Bakur, bi îdiaya “propagandaya rêxistinê” doz li rojnameger Ertûgrûl Mavîoglû û derhenêr Çayan Demîrel hatibû vekirin. Danişîna dozê hate taloqkirin.&nbsp;

	&nbsp;

	Bi sedema belgefîlma “Bakur”, bi îdiaya “propagandaya rêxistinê” doz li rojnameger Ertûgrûl Mavîoglû û derhêner Çayan Demîrel hatibû vekirin. 4’emîn danişîna dozê li 2’yemîn Dadgeha Cezayên Giran a Êlihê hate lidarxistin.&nbsp;

	&nbsp;

	Demîrel û Mavîoglû ku ji danişînan hatine warestekirin û parêzerên hincet nîşan dayîn tev li danişînê nebûn. Serokê Baroya Êlihê parêzer Erkan Şenses di danişînê de amade bû. Balkêş e ku 2 polîsên sivîl jî didoz dişopand.&nbsp;

	&nbsp;

	Danişîn, bi xwendina ewraqên li dosyayê hatine zêdekirin dest pê kir. Piştre jî dozger xwest ku aqûbeta muzekkereya ji 3’yemîn Daîreya Cezayan a Dadgeha Bilind re hatiye nivîsandin were pirsîn û tevdîra qedexeya derketina derveyî welat a Mavîoglû berdewam bike.&nbsp;

	&nbsp;

	DOZA OZGUR GUNDEMÊ

	&nbsp;

	Piştre jî parêzerên Mavîoglû û Şenses axivî û xwest ku biryara qedexeya derketina derve ya ji bo Mavîoglû were betalkirin û kêmaniyên di dosyayê de bên temamkirin.&nbsp;

	&nbsp;

	DANIŞÎN HATE TALOQKIRIN

	&nbsp;

	Dadgehê biryara xwe da û got ku xwe li benda muzekkereya ji bo encama doza Mavîoglû ya li Dadgeha Bilind bigirin û tevdîra qedexeya derketina derve ya ji bo Mavîoglû bidome.&nbsp;

	Doz taloqî 20’ê hezîranê hate kirin.&nbsp;

	&nbsp;