
Tevî biryara bêçalaktiyê jî dewleta tirk êrişên xwe didomîne  

2023-03-28 15:26:39


	&nbsp;

	NAVENDA NÛÇEYAN - Tevî biryara bêçalakitiyê ya KCK’ê jî dewleta tirk êrişên xwe didomîne. HPG’ê ragihand ku dewleta tirk 19 caran êriş birine ser hêzên wan. &nbsp;

	&nbsp;

	Tevî biryara bêçalakitiyê ya KCK’ê jî êrişên dewleta tirk ên li dijî qadên HPG’ê yên li Herêma Federe ya Kurdistanê berdewam in. Li gorî nûçeya Ajansa Nûçeyan a Firatê (ANF); dewleta tirk di 27’ê adarê saet di 13.00 û 14.00’an de êrişî qada Sîda ya Herêma Zapê kir.&nbsp;

	&nbsp;

	Hat ragihandin ku dewleta tirk di heman rojê de 17 caran bi çekên giran êrişî Qada Berxwedanê ya Girê FM û herêmên Çemço û Sîda’yê kir.&nbsp;

	&nbsp;

	Hevserokê Konseya Rêveber a KCK’ê Cemîl Bayik piştî erdhejên Mereşê yên di 6’ê sibatê de biryara bêçalakitiyê ragihandibû. Di heman demê de Hevseroka Konseya Rêveber a KCK'ê Besê Hozat şevê din bo Medya Habarê axivî û da zanîn ku wan biryara xwe ya bêçalakitiyê heta piştî hilbijartinê dirêj kirine.&nbsp;

	&nbsp;