Hevşaredara Sûrê Bûlûttekîn hat berdan  

2022-09-29 17:27:01


	 

	AMED - Hevşaredara Sûrê Fîlîz Bûlûttekîn ku qeyûm tayinî şûna wê hat kirin hat berdan. 

	 

	Hevşaredara Sûra Amedê Fîlîz Bûlûttekîn ku qeyûm tayinî şûna wê hatibû kirin û paşê bi îdiaya "endamtiya rêxistinê" hatibû girtin, îro danişîna doza wê li Dadgeha Cezayê Giran a 4'an a Amedê hat lidarxistin. Bûlûttekîn, ji girtîgehê bi rêya Pergala Deng û Dîmenê (SEGBÎS) û parêzerên wî Sûzan Akîpa û Sertaç Bûlûttekîn, Hevserokên Partiya Demokratîk a Gelan (HDP) a Amedê Zeyatt Ceylan û Gulîstan Atasoy, rêvebirên HDP'a Amedê, Tevgera Jinên Azad (TJA) û malbata Bûlûtttekînê tevlî danişînê bûn. 

	 

	Meqama îdiayê daxwaz kir ku xalên kêm ên di dosyeyê de bên temamkirin û xwest girtina Bûlûttekînê bidome. 

	 

	Bûlûtttekînê jî destnîşan kir ku ew endama HDP'ê ye û daxuyniyên ku ew tev li wan bûye hemû jî di çarçoveya xebatên siyasî mafên mirovan ên destûra bingehîn de ne û doza beraeta xwe kir. 

	 

	Piştî parastina parêzeran heyeta dadgehê jî biryar da ku Bûlûttekîn bê berdan û danişînê taloqî 15'ê Mijdarê kir.