
Cenazeyê Alankûş ku polîsan revand hat veşartin 

2022-08-09 16:53:18


	STENBOL - Polîsan li Stenbolê êrişî merasîma cenazeyê Ûlaş Alankûş ê li Agiriyê di şer de jiyana xwe ji dest dabû kir û cenaze revandin. Cenaze di dorpêça polîsan de li Goristana Gazî ya Stenbolê hat veşartin.&nbsp;

	&nbsp;

	Endamê Partiya Komunist Lenînist Marsîst (MLKP) û Tevgera Şoreşa Gelan a Yekbûyî (HBDK) Ûlaş Alankûş li Agiriyê di şer de jiyana xwe ji dest dabû. Malbatê cenazeyê lawê xwe ji Agiriyê bir taxa Gazî ya Stenbolê û li Cemxaneya Gaziyê merasim hat lidarxistin. Polîsan cenaze ji girseyê û malbatê revand û destûr neda merasîm bê lidarxistin.&nbsp;

	&nbsp;

	Polîsan bi darê zorê cenaze bir Goristana Gaziyê. Di vê navberê de polîsan girseya li ber cemxaneyê jî dorpêç kir. Parêzer û girseyê nerazîbûn nîşanî dorpêç û kirina polîsan dan. Polîsan diyar kir ku ew li ser daxwaza walîtiyê destûr nadin merasîma cenaze û merasîmê asteng kir.&nbsp;

	&nbsp;

	10 KES HATIN BINÇAVKIRIN&nbsp;

	&nbsp;

	Girseya ku di demek dirêj di dorpêça polîsan de ma ji bo bîranîna Alankûş dirûşm berz kirin û hêrsa xwe li dijî polîsan anîn ziman. Polîsan mudaxileyî girseyê kir û Hevserokê Giştî yê Partiya Sosyalîst a Bindestan (ESP) Şahîn Tumuklu û Hevserokê HDP’a Bajêr a Îzmîrê &nbsp;Çinar Altan jî di nav de 10 kesan bi lêdanê û tundiyê kirin binçavan.&nbsp;

	&nbsp;

	‘CENAZE REVANDIN’&nbsp;

	&nbsp;

	Girseyê bertek nîşanî binçavkirina hevalên xwe dan û gotin: “Gelê kedkar ê Gaziyê, me xwest em cenazeyê veşerêin. Lê em bi zîhniyeta ku nehiştin em marsîma cenaze li dar bixin re rûbirû ne. Cenazeyên me revandin.” Xelkê derdorê jî bi çepikan piştgiriyê da &nbsp;girseyê.&nbsp;

	&nbsp;

	MEŞ HAT LIDARXISTIN&nbsp;

	&nbsp;

	Hevseroka Giştî ya ESP’ê Ozlem Gumuştaş jî di nav de gelek kes çûn ber goristanê lê polîsan ew dorpêç kir û nehiştin tev li veşartina cenaze bibin. Ji ber astengkirin û dorpêça polîsan cenaze ji aliyê ferdên malbatê ve hat veşartin.&nbsp;

	&nbsp;

	Piştî cenaze hat veşartin, girse heta cemxaneyê meş li dar xist. Li ber cemxaneyê polîsan dîsa êrişî girseyê û rojnamevanan kir û li gelek kesan dan. Parlamenterê HDP’ê yê Stenbolê Musa Pîroglû berteka tund nîşanî polîsan da.&nbsp;

	&nbsp;

	&nbsp;

	&nbsp;