
Serokên baroyan li ber Dadgeha Dîlokê Nobeda Edaletê girtin  

2022-05-27 15:38:17


	&nbsp;

	DÎLOK - Serokê TTB’ê Erînç Sagkan û serokên 11 baroyên bajaran beşdarî Nobeda Edaletê ya ku Baroya Dîlokê li dijî neheqiyan daye destpêkirin bûn.&nbsp;

	&nbsp;

	Baroya Dîlokê bi armanca li dijî neheqiyên di demên dawî de li dadgehan pêk tên, protesto bike û ji bo parêzerên girtî Nobeda Edaletê ya sembolîk girt. Nobed li ber Dadgeha Dîlokê hat girtin. Serokê Yekitiya Baroyên Tirkiyeyê (TTB) Erînç Sagkan û serokên baroyên bajarên wek Semsûr, Wan, Riha, Mêrdîn, Dîlok, Antalya, Bûrsa, Hatay, Mereş, Mêrsîn û Stenbolê beşdarî nobedê bûn. Gelek nûnerên rêxistin sivîl û Hasan Bodur ê ji îlona 2021’an vir ve li ber Dadgeha Dîlokê nobedê digire, piştevaniya nobedê kirin.&nbsp;

	&nbsp;

	Serokê Baroya Dîlokê Îskender Kahraman di nobedê de axivî û destnîşan kir ku pîşeya parêzeriyê bi êrişan re rûbirû maye, li girtîgehan gelek parêzer hene û ew li dadgehan û derveyî wê jî edaletê dixwazin.&nbsp;

	&nbsp;

	Serokê TTB’ê Erînç Sagkan jî axivî û anî ziman ku neheqî zêde dibe. Sagkan destnîşan kir ku parêzer tu carê li dijî neheqiyan bêdeng nebûne û dê bêdeng nebin û ji bo ew bibin dengê bi milyonan kesên edaletê dixwazin îro li vir nobedê digirin.&nbsp;

	&nbsp;