
Çawişê pispor ê ku bû sedema mirina Hazna Su dîsa nehat girtin 

2022-05-27 15:26:11


	&nbsp;

	MÊRDÎN - Çawişê pispor Bestamî Duman ê ku bûbû sedema mirina Hazna Su dîsa nehat girtin.&nbsp;

	&nbsp;

	Li navçeya Qosera Mêrdînê di 11’ê çile de çawişê pispor Bestamî Duman wesayîta zirxî li Hazna Su ya 52 salî qelibandibû û bûbû sedema mirina wê. Danişîna duyemîn a doza Duman ku negirtî tê darizandin, li Dadgeha Cezayê Asliye ya Qoserê ya 3’yemîn hat lidarxistin. Duman û parêzerê xwe û malbata Su û parêzerê xwe di danişînê de amade bûn. Piştî tespîta nasnameyê danişînê dest pê kir.&nbsp;

	&nbsp;

	Parêzerê malbata Su, Mehmet Alpaslan diyar kir ku di rapora ku hatiye amadekirin de bersûc ji sedî sed bi qisûr e û divê dadgeh bûyerê di çarçoveya “muhtemeliya bi qestî” û “kuştina bi zanebûn” de binirxîne û xwest bersûc bê girtin.&nbsp;

	&nbsp;

	BERSÛC XWEST WERE BERAETKIRIN&nbsp;

	&nbsp;

	Bersûc parastina xwe kir û wesayîta bikar aniye nezirxî bûye û xwest were beraetkirin.&nbsp;

	&nbsp;

	Dadgehê biryara xwe ya navber eşkere kir û daxwaza parêzer a girtina bersûc red kir, biryar da ku dosye ji nûve biçe Saziya Tiba Edlî û danişînek din taloqî dîrokek pêş kir.&nbsp;

	&nbsp;