
‘Vê berfa ku dibare jî agirê di kezeba me de natefîne’  

2022-01-19 16:25:21


	AMED / WAN – Malbatên girtiyan çalakiyên Nobeda Edaletê didomînin û gotin: “Berfa ku dibare agirê di kezeba me de natefîne.”&nbsp;

	Nobeda Edaletê ya malbatên girtiyên nexweş û girtiyên cezayên wan qediyaye û nayên berdan li Amedê û Wanê berdewam dike.&nbsp;

	&nbsp;

	Nobeda Edaletê ya malbat ku li Baroya Amedê dane destpêkirin di roja 65’emîn de ye û malbat îro jî evî berfa ku bariya û rê hatin girtin jî çûn baroyê nobedê girtin.&nbsp;

	&nbsp;

	BARÎNA BERFÊ JÎ WAN ASTENG NEKIR&nbsp;

	&nbsp;

	Xezal Yildirim a beşdarî nobedê dibe diyar kir ku ew bi lawê xwe Mehmet ku li Girtîgeha Bafraya Samsûnê girtî ye re bi telefonê axivî ye û wiha got: “Li gel ku cezayê wî qediyaye jî nayê berdan û berdana wî hatiye taloqkirin. Bila êdî zarokên werin berdan. Em aştiyê dixwazin. Bila ji girtîgehan cenaze dernekevin. Tevî vê hewa sar û berfê jî ji Parka Koşuyolu heta vir meşiyam û hatim. Ez du caran bi re de şemitîm û ketim erdê. Heta zarokên me werin berdan em ê li vir bin.”&nbsp;

	&nbsp;

	KEZEBA WAN DIŞEWITE&nbsp;

	&nbsp;

	Xwişka girtî Încî Guler jî wiha got: “Em naxwazin ji hefs û zindanan cenaze derkevin. Vê berfa ku bariyaye agirê di kezeba me de natefîne. Çimkî girtiyên me nexweş ji bîra me dernakevin. Heta em bigihîjin encamê em ê li vir bin. Em ê li pey zarokên xwe bin.”&nbsp;

	&nbsp;

	&nbsp;LI WANÊ NOBED DI ROJA 40’Î DE YE&nbsp;

	&nbsp;

	Nobeda Edaletê ya malbatan ku li Baroya Wanê dane destpêkirin di roja 40’î de berdewam kir. Gelek kesan serdana nobedê kirin û piştevaniya malbatan kirin.&nbsp;

	&nbsp;