
Berfê li Amedê rê girtin û qeyûm 'ne amade' bû! 

2022-01-19 09:42:39


	AMED - Berfê li Amedê jiyanê tevizand. Ji ber barîna berfê ya bênavber rê û cade hatin girtin. Ji ber şaredariya di bin rêveberiya qeyûm de xizmetek baş nake, welatî bi piya çûn kar û welatiyan bertek nîşanî qeyûm dan.&nbsp;

	Li Amedê duh barîna berfê dest pê kir û hêj dibare. Berfa ku bi şev bênavber lêkir li bajêr jiyan tevizand. Riyên nav bajêr û riyên bejahiyê tên bajêr hatin girtin. Bi qasî 20-30 santîma berf bariyaye û çûnehat hatiye rawestandin.&nbsp;

	&nbsp;

	Şaredariya Bajarê Mezin a di bin rêveberiya qeyûm de xizmetek ku wê riyan veke û paqijiya kuçe û cadeyan bike nayê dayîn. Xelk li rawestgehan maye &nbsp;û hewl didin bi kîlometreyan biçin kar û xebata xwe.&nbsp;

	&nbsp;

	

	&nbsp;

	TEVDÎR NEHATINE GIRTIN

	&nbsp;

	Di girtina rê û cadeyan de eşkere bû ku qeyûm û tîmên paqijiyê ji duh ve tu tevdîr negirtine û amadekariyên barîna berfê nekirine. Her çiqas qeyûm daxuyaniya "em amade ne" da jî lê heta niha rê nehatine vekirin. Ji ber rê hatine girtin wesayît li hev ketin û qezayên trafîkê pêk hatin. Tenê hinek dolmîşên nav bajêr dixebitin. Otobusên şaredariyê ji xeracan derneketin û nehatin şixûlandin.&nbsp;

	&nbsp;

	Xizmetnekirina qeyûm bû sedema bertekên welatiyan.&nbsp;

	&nbsp;

	Ji ber barîna zêde ya berfê seferên balafirên tên bajêr û ji bajêr radibin jî hatin betalkirin.&nbsp;

	&nbsp;

	NAVBER DAN PERWERDEHIYÊ&nbsp;

	&nbsp;

	Walîtiya Amedê ragihand ku ji ber berfê li tevahiya bajêr dibistan hatine betalkirin û rojek navber dane perwerdehiyê.&nbsp;

	&nbsp;&nbsp;

	&nbsp;