
Wê daxwaza malbatên Nobeda Edaletê digirin li mitînga Amedê olan bide  

2022-01-18 16:14:50


	&nbsp;

	AMED - Hevseroka Rêxistina HDP’a Amedê Gulistan Atasoy serdana Nobeda Edaletê ya malbatên girtiyan kir û got ew ê tecrîd û binpêkirinên mafan ên li girtîgehan li mitînga dê li Qada Îstasyonê li dar bixin de bînin ziman.&nbsp;

	&nbsp;

	Nobeda Edaletê ya malbatên girtiyên nexweş û girtiyên cezayê wan qediyaye û nayên berdan li Bariya Amedê di roja 64’emîn de berdewam kir. Rêveberên Rêxistina HDP’ê ya Bajarê Amedê serdana nobetê kirin.&nbsp;

	&nbsp;

	ÇI HEWCE BIKE DÊ BIKIN&nbsp;

	&nbsp;

	Ji malbatên girtiyan Reşahat Ada diyar kir ku ew naxwazin ji girtîgehan cenaze derkevin û got: “Em di xwesteka edaletê de bi israr in. Em ê biçin saziyan jî, biçin ATK’ê jî û kuçeyan jî. Çi hewce bike em ê wê bikin. Têkoşîna zarokên têkoşînek bi rûmet e. Lewma wê serê xwe netewînin. Ji doza xwe ne poşman in.”&nbsp;

	&nbsp;

	ATASOY: DIVÊ NOBET WERE BELAVKIRIN&nbsp;

	&nbsp;

	Hevseroka HDP’a Amedê Gulistan Atasoy jî da zanîn ku serî rakirina dayikan li bajarên din jî belav bûye û wiha got: "Ev daxwaz tenê ne daxwaza vir bi tenê ye. Daxwaza bi milyonan xelkê ye. Heta ku yasa û hiqûq neyên şixûlandin em ê nikaribin behsa azadî û demokrasiyê bikin. Lewma divê bi milyonan însan deng bide vê têkoşîna malbatan. Pêwîste hem li Tirkiyê hem jî li Kurdistanê piştevaniya daxwaza malbatan were mezinkirin.”&nbsp;

	&nbsp;

	BANGA BEŞDARIYA MITÎNGÊ&nbsp;

	&nbsp;

	Atasoy bi bîr xist ku HDP wê di 22’yê çile de li Qada Îstasyonê bi dirûşma “Em HDP’ê diparêzin” li dar bixe û wiha got: “Em mitîngek mezin li dar dixin. Ji bo tecrîd rabe, girtiyên nexweş werin berdan, binpêkirinên mafan werin bidawîkirin, kesên ku bi neheqî girtî ne werin berdan em ê li Qada Îstasyonê bin. Em dixwazin her kesê li dijî tecrîdê û binpêkirina mafan be û edaletê dixwaze beşdarî mitînga me bibin.”&nbsp;

	&nbsp;