Serokatiya Dîreya Xizmetên Gundewarî ya Şaredariya Bajarê Mezin a Amedê, projeya bi mebesta zêdekirina darên gûzan û hilberîneriyê li herêmê dabû destpêkirin, berdewam dike. Di çarçoveya projeyê de armanc dike ku 10 hezar darên gûzan ên li erdên asê yên ku çandinî lê nayê kirin patrome bike. Li navçeyên Çermûg, Sankûş, Hêne, Pîran, Dîcle, Erxenî, Licê, Pasûr û Farqînê heta niha bi hezaran darên gûzan hatine patromekirin. Şaredariyê herêi dawî di çarçoveya projeyê li gundê Şaxor ê navçeya Licê di bilindahiya 1457’an dar petrome kir.  

 

LI SER DAXWAZA GEL ŞAREDARIYÊ DEST BI XEBATÊ KIR

 

Endazyarê Çandiniyê Tahîr Alan ê ku di Serokatiya Daîreya Xizmetên Gundewarî de peywirdar e têkildarî projeyê agahî da. Alan diyar kir ku ew li gorî daxwazên welatiyan xebatan dikin û ev tişt got: “Darên gûzan ên 7-8 salî berhem nadin û welatiyan serî li me da. Em jî li ser vê yekê hatin û me darê gûzan patro me kir.  Bi armanca zêdekirina dahata gel û îstîxdamê, em îsal petromeya nêzî 7 hezar daran dikin. Helbet li herêmê bi hezaran darên gûzan ên bê petrome hene. Ev berhem nadin an jî cûreyên gûzên kor û pûç in ku kakil jê dernayê. Em wan petrome dikin. Ji gelê me jî daxwazeke zêde heye, em her sal li dora 8-10 hezar daran petrome dikin.”