
Baroya Amedê dê ji bo betalkirina biryara ‘ÇED erênî ye’ ya ji bo Geliyê Zorê serî li dadgehê bide 

2023-10-18 10:16:36


	&nbsp;

	AMED - Baroya Amedê dê ji bo betalkirina rapora “ÇED erênî ye” ya Geliyê Zorê ku tevî biryara betalkirinê ya dadgehê hatibû dayîn, dê serîli Dadgeha Bilind bide.&nbsp;

	&nbsp;

	Wezareta Hawirdor, Bajarvanî û Guherîna Avhewayê di 13’ê sibata 2014’an de ji bo Santrala Enerjiya Hîdroelektirîk (HES) a ku dê Şîrketa Hilberandina Enerjiyê ya Maya li ser Çemê Zorê yê di navbera navçeyên Sason a Êlihê û Pasûr a Amedê li ser qadeke bi qasî 67 hezar û 450 metrekareyan çêbike, biryara “ÇED erênî ye” da.&nbsp;

	&nbsp;

	Ji şêniyên gundê Herîvê Mûrat, &nbsp;Ercan, Ridvan, Mehdîn û Medenî Çîçek, di 9’ê adara 2021’an de li dijî vê biryarê li 3’yemîn Dadgeha Îdareyê ya Amedê doz vekirin. Dadgehê biryar da ku rapora “ÇED erenî ye” derhiqûqî ye û ji ber “ne li gorî hiqûq û mewzûatê ye” biryara betalkirinê da.&nbsp;

	&nbsp;

	ŞÎRKETÊ SERLÊDANEKE NÛ KIR&nbsp;

	&nbsp;

	Piştî betalkirina biryarê, heman şîrketê got; “Di çarçoveya giştînameya Wezareta Hawirdor û Daristanan û Midûriyeta Giştî ya ÇED û Plankirinê ya Hejmar 2009/7’ê rapora ÇED’ê hatiye amadekirin” û dîsa serlêdan kir.&nbsp;

	&nbsp;

	Şîrketa Mayayê di bin navê “Metîn HES (Bendava Kayseriyê), ocaxên amûran, tesîsa şikandin-vebijartinê û projeya santrala betonê” de serlêdaneke nû ya ji hezar û 256 rûpelan pêk tê kir. Midûriyeta Bajar a Amedê ya Wezareta Hawirdor, Bajarvanî û Guherîna Avhewayê biryara “ÇED erênî ye” da sekinandin.&nbsp;

	&nbsp;

	BAROYA AMEDÊ DÊ DOZÊ VEKE

	&nbsp;

	Li dijî biryara heyî ya “ÇED erênî ye” jî Komîsyona Bajar û Hawirdorê ya Baroya Amedê dê doza betalkirina biryarê veke. Her wiha tê payîn ku doz dîsa li Dadgaeha Îdareyê ya Herêmê ya Amedê were vekirin.&nbsp;

	&nbsp;

	&nbsp;