
Li qada daristanê ya Mêrdînê şewat derket   

2023-08-13 16:36:51


	MÊRDÎN - Li qada daristanê ya gundê Tîzyan ê Artukluyê şewat derket. Ji bo vemirandina şewatê mudaxile tê kirin lê şewat deqe bi deqe mezintir dibe.&nbsp;

	&nbsp;

	Li qada daristanê ya gundê Tîzyan ê girêdayî navçeya Artuklu ya Mêrdînê ji ber sedemeke ne diyar şewat derket. Piştî ku gundiyan hay ji şewatê bûy, di kêliyê de mudaxile kirin û li ser agahdarkirinê, komên agirkujiyê li herêmê hatin veguhestin. Lê belê ji ber ku rêya herêmê nîne, ekîbên agirkujiyê nekarîn mudaxileyeke baş bikin. Li ser vê yekê tîmên agirkujiyê û gundiyan bi şaxên daran hewl dan şewatê vemirînin.&nbsp;

	&nbsp;

	Gundiyan, diyar kirin ku şewata li herêmê deqe bi deqe mezintir dibe û şêniyên gundên derdorê jî ji bo vemirandina şewatê bi hawarê hatin.&nbsp;

	&nbsp;

	Hat zanîn ku heta niha ji ber şewatê bi dehan donimên daristanê şewitî ne û xebatên vemirandinê berdewam in. Şêniyên gund ji bo vemirandina şewatê banga alîkariyê kirin.&nbsp;

	&nbsp;